Y Sgwadron

English

Mae Gwasanaeth Achub Mynydd yr RAF yn dod o dan Adain Logisteg Ymgyrchol 85. Wedi'i sefydlu gan yr Awyr-Lefftenant (a aeth wedyn yn Arweinydd Sgwadron) George Graham yn 1943, a’i dyfu gan wirfoddolwyr ers hynny, mae pob un o Dimau Achub Mynydd yr RAF yn cael ei reoli gan staff parhaol a gwirfoddolwyr rhan-amser ar draws y tri Gwasanaeth.

Mae Pencadlys MRS yr RAF yn RAF Y Fali, a nhw sy’n rheoli ac yn dyrannu tasgau ar draws y timau yn RAF Leeming, RAF Lossiemouth ac RAF Y Fali.

Dymuna Gwasanaeth Achub Mynydd yr RAF ddiolch i OutdoorActive am eu cefnogaeth fel noddwr.

Datganiad o Fwriad

Creu a chynnal ymateb parodrwydd-uchel o'r radd flaenaf i ddigwyddiadau, ar gyfer gweithrediadau Chwilio ac Achub a gweithrediadau Rheoli Awyrennau ar ôl Gwrthdrawiadau. Gallu anfon adnoddau allan ym mhob tywydd yn hunangynhaliol – ym mhob rhanbarth yn y DU ac yn fyd-eang – i gefnogi gweithrediadau hedfanaeth a chadernid y Weinyddiaeth Amddiffyn.

Pryd bynnag

Cysylltu â Gwasanaeth achub mynydd yr RAF

Yn

RAF y Fali

Beth Rydym yn ei wneud

Mae’r tri thîm yn barod i gael eu hanfon ar unwaith i unrhyw ran o’r DU ar unrhyw amser, bob diwrnod o'r flwyddyn i gyflawni eu prif rolau yn rheoli digwyddiadau ar ôl gwrthdrawiadau awyrennau, ac yn Chwilio ac Achub Staff Milwrol, yn ogystal â’u rolau eilaidd a thrydyddol, sy'n cynnwys Chwilio ac Achub a rhoi Cymorth Milwrol i Awdurdodau Sifil. Maent hefyd wedi cynorthwyo gyda gwaith rheoli ar ôl gwrthdrawiadau awyrennau sifil yn y gorffennol.

Hanes

1943   Yr Awyr Lefftenant George Graham yn sefydlu’r gwasanaeth, yn dilyn y galw adeg rhyfel i achub bywydau'r criwiau awyr oedd wedi gorfod glanio, neu oedd wedi eu taro i lawr yn rhanbarthau mynyddig y Deyrnas Unedig.

1951   Galwad nodedig i RAF Kinloss yn dylanwadu’n sylweddol ar hyfforddiant a chyrsiau Hyfforddiant Achub Mynydd.

2001   Y Prif Dechnegydd, Dan Carrol a’r Corporal Rusty Bale yn cwblhau cyrch ar Everest.