Fersiwn Filwrol y DU o Hofrenyddion Airbus EC135 T3H, a ddefnyddir i hyfforddi criwiau hofrenyddion o’r Llynges Frenhinol, Byddin Prydain a’r Llu Awyr Brenhinol.
Mae’r Juno HT Mk1 yn cael ei ddefnyddio gan Ysgol Hyfforddiant Hedfan Rhif 1. Mae gan y Juno HT Mk1 afioneg uwch, galluoedd gweld yn y nos, ac offer hyfforddi synthetig, ac mae’n paratoi criwiau ar gyfer teithiau tactegol a senarios yn y byd go iawn, gan gynnwys gweithrediadau hongian llwythi a hedfan yn y nos.
Rôl
Mae’r Airbus H135 (Juno HT Mk1) yn cael ei ddefnyddio gan Ysgol Hyfforddiant Hedfan Rhif 1 i hyfforddi criwiau hofrenyddion ar gyfer y Llynges Frenhinol, Byddin Prydain a’r Llu Awyr Brenhinol o dan System Hyfforddiant Hedfan Milwrol y DU (UKMFTS). Mae hefyd yn cefnogi’r Ysgol Hedfan Ganolog (Hofrenyddion) drwy ddarparu hyfforddiant i hyfforddwyr, gyda chyrsiau’n cael eu cynnig yn RAF Shawbury ac RAF y Fali ers mis Ebrill 2018 drwy Ascent Flight Training.
Manylebau Technegol
Manylebau
Galluoedd
Y Juno HT Mk1 yw fersiwn filwrol y DU o Airbus EC135 T3H, ac mae fflyd o 29 hofrennydd yn cael ei ddefnyddio i hyfforddi peilotiaid newydd a chriwiau caban o dan System Hyfforddiant Hedfan Milwrol y DU (UKMFTS). Mae hyfforddeion yn dysgu sgiliau hanfodol fel hedfan tactegol lefel isel, hedfan yn y nos gyda Dyfeisiau Gweld yn y Nos, a thechnegau hongian llwythi ar gyfer teithiau go iawn.
Mae’r system afioneg uwch Helionix sydd gan Juno yn cynnwys arddangosfeydd sgrin gyffwrdd aml-swyddogaeth, gan helpu hyfforddeion i bontio’n ddidrafferth i awyrennau rheng flaen. Mae’r hyfforddiant yn cyfuno hediadau byw ag efelychyddion synthetig, a chynhelir tua 50% o’r hyfforddiant ar efelychyddion uwch. Gellir gosod offer arbenigol ar y Juno hefyd, fel camera MX10 ar gyfer arsylwi tactegol a thrawst llwyth i gario llwythi sy’n hongian.
